KAPANGYARIHANG PULITIKAL

Ang pagwawagi ni Barack Obama bilang pinuno ng Estados Unidos ay bumuwag sa kasaysayan ng usaping pamahalaan sa nasabing bansa.Buong mundo ay naging saksi sa pangyayaring ito. Ang katunggaling si McCain na naglatag din ng magandang panukala para sa higit na ikabubuti ng bansa ay tinanggap ng maluwalhati ang kaniyang pagkatalo.

Wala pang 24 oras, nalaman na kung sino ang nagwagi, mabilis at naniniwala akong malinis ang mga pangyayari..walang bahid ng pandaraya, hindi yata uso yon don, dito lang sa Pinas talamak yan.

Isa lamang pagpapatunay na ang utak ay walang pinipiling kulay, kasarian, lahi at paniniwala, tanging matalinong pagpapasiya, tiyak na makukuha ang naisin.Hindi ang panlabas na kaanyuan ang magsisilbing sandata ni Obama upang harapin niya ang mga naghihintay na proyekto at programa sa White House. Ano man ang kahihinatnan ng pamumuno ni Obama, ito ay kaniyang tadhana na dapat harapin at panindigan. Ipinakita din sa halalang ito ang “ego” ng mga puti, inaasahang mas maraming kakampi kay McCain dahil ito ang lahi niya, samantalang si Obama ay hindi puro, may lahing itim at puti, kapag pinaghalo kayumanggi, hindi kaya isang Pinoy si Obama, patawa lang..huwag seryosohin. (more…)

ALIPIN NG BUWAN

 Dapit-hapon na naman. Nakatunghay si Paquita sa bintana, umuusal ng panalanging diringgin ng Diyos. Ang prinsipe niya ay ipagkaloob kahit sa sandali man lamang. Susundan ka ng liwanag ng buwan, hanggang ngayon alipin ka rin ba ng misteryo ng buwan? Basahin ang tula ni Paquita at ng kaniyang Prinsipe.

Alipin ng Buwan

Sa bawat sandaling siya’y kaulayaw

Ano ba’t lungkot ay hindi dumalaw

Ako’y nangangarap na hindi umaraw

Nang sa liwanag ng buwan tuloy ang tampisaw.

Taglay ay hiwaga at luwalhating tunay

Dala nitong buwan liwanag habang-buhay

Bagama’t umusbong at kapagdaka’y tumamlay

Alaala ng pagsintang minsan ay sumilay.

Muling susulyap ang buwan ng pagsinta

Hintayin mo lamang ang makisig na binata

Muli kang itatakas upang maidambana

Pag-ibig niyang wagas iyong madarama.

Pagbilog ng buwan aking hinihintay

Sidhi ng pag-ibig sa iyo ay ibibigay

Umaalimpuyong damdamin ang aking alay

Iyong pagmamahal ito ay aking buhay.

Saksi ang bituin sa maalab na halik

Huni ng ibon at kuliglig nagsisilbing awit

Kapagdaka’y napatda, araw ay sumilip

Magwawakas na nga ba ang alay mong pag-ibig?

O aking giliw ating hilingin

Alimpuyo ng hangin ating supilin

Silakbo ng puso ng Ama’y payapain

Ako’y maghihintay pagsapit ng takip-silim.

Kahit anong unos hindi kayang suwayin

Pag-ibig na sa puso’y pilit itinanim

Sa pagbilog ng buwan liwanag ay akin

Wagas na pag-ibig ating sasariwain.