12 X 3 =

12 X 3/336 = 940, 000, 001.00

  Tama ang computation ko, aaminin ko hindi ako magaling sa Mathematics pero sa pagkakataong ito, paninindigan kong tama ako. Depende pa yan sa dollar rate kung kailan ipapalit ni Pacman ang kanyang kwarta.

Ang halaga ng napalunan ni Pacquiao sa laban niya kay Cotto ay halos katumbas na ng isang taong kita ng malaking kumpanya dito sa Pilipinas.Paano kaya iuuwi ni Pacman ang premyo kung tig-pipiso ang ibibigay sa kaniya? Ang isang ordinaryong construction worker ay hindi ito kikitain kahit pandayin pa niya ang isang gusali na aabot sa ulap. Ikamamatay na niya iyon, kahit na ako o ikaw man maliban na lamang kung hanggang sa kabilang buhay ay kikita pa tayo ng kwarta, kwarta, oo mukha akong kwarta.

  Hindi ko pinapaboran ang boksing bilang isang uri ng pampalakasan, basagan ng mukha na para sa iba ay banal, iniingatan at inaalagaan o halos sambahin ng ilan. Sakitan ng katawan ang larong boksing, paano ka susuntok kung walang pwersa o enerhiyang magtutulak sayo para saktan ang kalaban? Hindi ko itinatangging umaangat ang aking pwet habang tumutulo ang pawis sa aking kilikili habang nagpapaapoy naman ng suntok si Pacman kay Cotto. Marahil napapasuntok ka rin habang tumatalsik ang laway mo sa iyong katabi.

Matagal ko ng kinalimutan ang larong boksing pero napag-isip isip ko, kailangan ko na ulit umakyat sa ring Ax, pwede ba kitang coach, kaya lamang abala ka pa yata sa kakapraktis ng sayaw para sa inyong Christmas party. Si Jason na lamang muna ang aking manager, pwede ba Hamster? . Syempre joke joke lang ‘yan.

Si Pacman ay Pilipino pero bakit siya ang sikat? Bakit hindi si J. Kulisap? Naghuhumiyaw ang katangian ni Pacquiao bilang isang lipi ng kayumanggi, pitong titulo sa larangan ng boksing- kasaysayan na ‘yan. Salamat sa kamote, hindi ba pareng Taribong?

Sa kabilang banda hindi matatawaran ang katatagang ipinakita ni Cotto,  halos matagalan niya ang umaapoy na 12 rounds na laban kung hindi lamang inawat ni Kenny Bayless sa huling round, tiyak na mahihimlay sa canvas si Cotto kung nagkataon. Pero ang pinakamahalagang natutunan ni Cotto sa labang Fire Power ay hindi ang maglaro ng apoy kungdi ang matutong sumayaw ng cha-cha, dapat ang titulo ng laban ay “ Bloody Cha-cha with Pacman” you know, now you know. Totoo pala ang kasabihang “ Lumuha ka ng dugo”, nasaksikhan ng mundo ang pag-agos ng dugo ni Cotto habang yakap niya si Pacquiao. Dahil sa ipinakitang katapangan at katatagan ni Cotto, maituturing na malinis at mahusay na manlalaro si Cotto. Karapat-dapat na purihin bilang isang tunay na kampon ni Adan. Hindi nalugi ang mga manonood, sulit na sulit pati sa patalastas.

Si Cotto habang nag-aaral ng Bloody Cha-cha.

Sapat nang maging inspirasyon ka sa mga Pilipino, na matuto silang mangarap, magkaroon ng disiplina, determinado at tingnan ang buhay sa positibong pananaw.

  Hindi na siya isang simpleng mamamayang Pinoy kahit na magpakababa pa siya.

Mabuhay ka Manny Pacquiao, mabuhay ang lahing Pilipino.

Hanggang dito na lang, may tumatawag sa akin.

J.Kulisap: Haylo? Hus diz?

Caller: Bi ip ip, nagwatch ka ng payt ko?

J.Kulisap: (medyo irate ang voice)…hindi eh, bc ako.

Caller: You know..i’m so tampo na, ‘di mo ako lab lab. Ano ba ginagawa mo?

J.Kulisap: Nagsusulsi ng butas kong brip. Next time, magwatch na ako dong.

P.S.

Salamat sa mga larawan mula sa internet.   

HWAG NAMAN

Inakyat ko ang bundok, bigla akong niyakap ng talinghaga, siya ay patpatin. Ikinurap ko ang aking paningin wala siya sa bundok kundi nasa disyerto. Mainit ang klima ngunit tila yelo naman sa lamig ang kaniyang kalooban.Patpatin ang talinghagang bumalot sa kaniyang katauhan.Tangan ang talangkang mahigpit na sumipit sa nalulumbay na kinabukasan. Kung kaya ko…ayaw ko nang bitiwan ka..kung kaya ko lamang.

Namamalisbis ang luha ni Jesuza habang mahigpit na yakap ang kaniyang mag-iisang taong gulang na anak na si Busyok at ang kaniyang asawang si Plaridel. Pumirma siya ng dalawang taong kontrata bilang domestic helper sa HongKong, tila naiintindihan naman ni Busyok ang nangyayari, pumalahaw ito ng iyak, namumula naman ang mga mata ni Plaridel habang nakakuyom ang kamao nito, wala siyang magawa, pumayag siyang lumisan ang kaniyang asawa……pinakamamahal na kabiyak ng puso.

Makapigil hininga ang tagpo sa itaas mga giliw na mambabasa. Ginahasa, binitay, pinatay, inalipin, itinuring na hayop, binaboy at tinanggalan ng karapatang pantao, mga kwento sa likod ng mga kaganapan sa mga itinuturing nating makabagong bayani sa ating panahon sa ibayong dagat. Sila na nag-aakyat ng malaking salapi sa naghihikahos at naghihingalo nating bansa. Sapat ba ang papuri para matighaw ang pait na idinulot ng pagkakalayo sa kanilang mga mahal sa buhay? Hindi man lahat, karamihan sa ating mga OFW’s ay isinantabi ang sarili nilang kapakanan para matugunan ang pangangailangan ng kanilang pamilya. Mahirap makipagsapalaran sa ibang bansa, nandyan ang takot at mga walang katapusang pagtatanong kung ano ang kanilang kahihinatnan. Mabilis kumita ng pera doon kaysa sa dito. Ilang beses na rin akong hinikayat na magtrabaho sa labas, pero mas madalas kong sabihin sa sarili kong, hindi ko kaya ang ginagawa nilang sakripisyo, isang kaduwagan…subalit hindi ko isinasara ang opurtunidad na inihahain. Isa ako sa tatlo o sampung Pilipino na umaasang may pag-asa pa tayong makaahon kung magsisilbi tayo ng tapat at wasto dito sa ating bansa.

Buong puso kong naiintindihan ang paghahanap mo sa iyong nanay na nag-aalaga ng iba. Ilang taon na ang pasko sa buhay mo na wala ang iyong ama, si ate o si kuya. Huwag mo naman sana idaan sa pagrerebelde ang lahat, mas masasaktan sila kung uuwi silang bigo sa kanilang pangarap sayo..huwag naman.

Ibang citizen ka na? Hindi mo pa rin maitatago ang iyong kulay, ang iyong dugo. Alam mo kung saan ka nagmula, minsan lingunin mo itong bansang nagluwal sa iyo, kailangan niya ng tungkod lalo na ngayon. Huwag mo sanang kalimutan, minsa’y minahal ka niya, kinandili at ipinagyayabang..huwag naman.

PAMPAUTOT

Pssst….ngalay ka na ba sa kababalik sa aking bahay kubo? Wala pa bang bago? Heto, mayroon na. Basahin mo hanggang katapusan, mabibitin ka kapag pinasadahan mo lang. May masarap na palaman sa sukdulan. (more…)