Mahirap sumilong sa puso kong masyadong malawak ang mundo, subalit kapag ika’y nag-iwan ng marka, mas mahihirapan akong palayain ang mundo nating dalawa.
Ngayo’y nagtatalo ang tuwa at lungkot sa aking puso, pansamantalang iiwanan na kita.
Dalawang taon, ilang libong salita ang pinilit kong isalba para maibahagi sa mga mambabasa, dito mo pinaikot ang ating mundo. Masakit, na kahit anong gawin ko’y wala kang salitang binibitawan, ayaw mo akong paulanan ng mga paninisi, ng panunumbat, nandiyan ka pa rin, iniinda at tinatanggap ang aking mga salitang walang panukat at paninimbang.
Ang balak ko talaga’y iwanan ka na at burahin sa mundong ito, subalit nakalimutan kong may isang tao ang naghikayat sa akin para mabuo ka at tumulong sa akin para ipagpatuloy ko ang gawaing ito. Kung kaya’t iiwanan kita kay Salome Laong Laan. Si Salome, isang babae, ina, asawa, manggagawa at mamamayan ng Pilipinas.
Alam kong sa kaniyang mga karanasan at pakikipagsapalaran, marami siyang maiaambag sa mundo ng blogesperyo. Sa kaniyang pagkamulat sa sining, literatura, pakikisalamuha at pag-ibig sa bayan, tiwala akong magagampanan niya ang tungkuling dati kong ginawa dito sa aking bahay kubo.
Mga ka-blog at mga giliw na mambabasa, panahon na para makilala ninyo si Salome Laonglaan, ipinamamana ko na ang kayumanggingdamdamin.i.ph sa kaniya.
Maraming salamat po sa inyong patuloy na pagtangkilik at pakikilahok dito sa aking mundo.
Mabuhay ang mga Pilipinong may kayumangging damdamin.
Handa ka bang ibigay ang 80 % ng iyong naimpok para sa kabutihan ng nakararami?
Ito ang mga pwedeng isagot:
Oo, ipaliwanag kung bakit.
Hindi, ipaliwanag na rin kung bakit
Anong paki ko, pwede pa ring magpaliwanag, mas mainam.
Muli inihatid ako ng aking damdaming aba sa kalawakan. Nasaan ka na? Dinudurog ang aking puso kapag umuukilkil sa aking balintataw ang ating nakaraan. (more…)
Kapalaran mo ngayong 2010.
Hmmm…hmmmm.hmmmmmmm.Vuker vojek ruvek suker mekeruv. Hmmmm.Hmmmm.
Kawal75: Pinapatawag ka ni Dyosa Esmina, J.Kulisap.
J.Kulisap: Hwak kayo ingay, nakYoyoka ako. Ken’t you si?
Kawal3,984: Pinuno, papatulan ko ‘na to, masyadong maarte, 48 years na tayong nanunuyo dito, choosy pa rin. Sino ba itong hangal na ito? Isa lamang itong ewwww…kaderder na Kulisap.
Pinunong Kawal: Chillax dudey, masyado kang hot. J.Kulisap, nagtext ang mahal na Dyosa Esmina, ipagkakaloob na raw ang matagal mo ng kahilingan. ‘Di ba gusto mong maging tao kahit 30 seconds lang?
J.Kulisap: Ano kapalit kahilingan Esmina?
Kawal8,956,789: Ilalatag mo daw ang kapalaran nya sa taong ito, pati na rin sa kaniyang 800 na jowa.
J.Kulisap: Well, you leave me no choice. Splashhhhh. Vekeruv Nomer Ekervek.
The Rat
Dadagain Ka (Bubuwit)
Para sa mga dinadaga ngayong 2010, lungkot-lungkutan ang drama mo. May pagkapraning ka din pero maninindigan kang maganda at pogi ka the whole year. Magbago na ang mga daga, kung mahilig ka sa keso, itry mo namang kumain ng pusa. Ito pa ang good news, para sa mga sipunin, single at malapit ng maging old na daga, panahon na para umalembong ng bonggang-bongga. Ibig sabihin, kahit may-asawa ka o wala, kailangan mong kumati para mapansin at makahanap ka ng lalandiin ngayong 2010. Mainam na magsuot ng panty kaysa sa brip kung lalake. Sa babae naman, wag nang magsuot ng anumang saplot lalo na sa gabi para presko. Advantage ito sa mga wala ng kalatoy-latoy sa kama. Uy..kinikilig ang pwet.Lucky Charm: Brip ni Superman for her, panty ni Darna for him.
The Ox
Baka lang
Mag-ingat sa sumisipang kabayo lalo na ang pula (nakakalasing) at sa mga bumubuga ng apoy (dragon), masusunog ka, tatalsik ka pa. Para maiwasan ang pakikipagbabag at pagtalsik ng laway, buksan mo ang iyong utak, try mong ipalagare, ‘tas takpan mo ng bao ng niyog, lagyan mo na rin ng zipper para any moment na gusto mong buksan, pwede. Isa lang ang sikreto para hindi ka mapa-away, huwag kang ma-epal lalo na kung ‘di mo alam ang puno at dulo ng kwento. Mag-aaral ka din ng ibang lenguwahe, body language, animal language and plant language pati na rin UFO language para maiba naman ang iyong trip. Medyo sasapian ka daw ni Juan Tamad, kaya aabangan mo na lamang ang ipot na mahulog. Mababaliktad ang pagkatamad kung gagawing tsokalate ang ipot. Tip: Mas masarap daw ang ipot ng pusa kaysa sa aso.Lucky charm: Ngipin ng Tikbalang.
The Tiger
Tigre ka nga ba? Wehh? Di nga?
Taon mo ito dong at day pero hindi ibig sabihin ikaw na ang mamamayagpag, utot mo bilog. May araw ka ring hinayupak ka. Panahon mo para magmagaling at gawin mo ang gusto mo pero mahihirapan ka din, chura neto. Mahigpit na kalaban ang sarili mo, kamusta naman. Magiging malusog na tigre ka daw ngayong 2010. Sa mga may suliranin sa panunaw, tanggalin ang intestines at ilagay sa taynga para iwas sa pagtatae. Maswerteng numero, wala. Hindi pa alam kung ano ang tawag. Asa ka pa. Magtrabaho ka, magsumikap ka. Maligo kahit isang beses lang sa isang buwan.Lucky Charm: Wala rin. Ambitious.
The Rabbit
Ang Kuneho
Ay, kamalas mo namang kuneho ka, ikinalulungkot ko, kahit mag-evolve ka pa, magkapakpak ka pa, kahit na magpatattoo ka pa sa retina mo, wa-epek ang trip mo. Magdusa ka. Aba eh, sinuwerte ka na last year, ‘yong iba naman. Sa lahat ng larangan, medyo malas ka. Para maiba ang direksyon, magtayo ng bagong kulto, magkalkal ng iba’t ibang paniniwala na pwedeng mauto ang mas marami.Matuto kang magtipid, napakabulagsak mo ever. Sa halip na sumakay, try mo naman gumapang, tutal, taon ng kamalasan. Gumapang ka sa lusak. Buhakhak. Maging maingat, gumamit ng proteksyon laban sa paglobo ng mga kuneho. Kalilibog nyo pa naman. Tip: try mo ang ginger,sili-labuyo at higad flavor, mura na matalap pa..yeboy. Gawa sa medyas at supot ng ice candy. Lucky charm: Amoy ng singit, ipunin sa botelya..ipahid sa may ilong kapag may lalakaran.
The Dragon
The Dragon
Para sa mga ipinanganak talagang dragon, panahon na para pumasok sa eskwela. Huwag ka nang matakot kay titser,’di na sila nambabato ng eraser, dinamita na ang pinambabato nila ngayon. Pag-aralan ang Alibata para mas maging matagumpay. Paminsan-minsa’y magpapakawala ka ng apoy mo at pwedeng masunog ang kalaban, go ng go lang, trip mo yan. Minsan maglinis ng taynga para makarinig, umaawas na ang tutuli. Stay positive daw sa lahat ng aspect, positive ang pregnancy test, positive sa HIV, positive sa Cancer, positive na mabubuntis ka kahit 80 ka na. Positive na tibo ang tatay mo, positive na bakla ang future partner mo.Happiness, lumaklak ng syoktong. Kailangan mo daw talagang tumawa, kahit natutulog ka na, tawa ka pa rin ha? Lucky Charm: Balahibo ng Unicorn.
The Snake
Ahas ka Talaga
Ahas ka na nga, matigas pa ang iyong mga kaliskis. Gapang ka ng gapang, try mo namang lumakad. Iwasan ang pagkahumaling sa lahat ng bagay. Madalas kang magwi-wetdreams, hanggang don lang. Mangarap ka ng mas masarap pa don, sobra na yan, abuso ka na. Mag-ingat sa mga pinagtataguan, baka mabulaga ka…huli ka. Mapapahamak ka ng bonggang bongga. Peborit ko talaga ang bonggang bongga. Hahahay. Mainam ding magpalit ng pangalan, maswerte ang pangalang Irsa, Pudong, Lukib,Panyang at Paknutan. Panahon na para mas maging bakaw ka, leche ka..buhay ka pa. Huwag masyadong ilagay sa ulo ang ganda at pagkapogi, feeling mo lang ok pero ok nga siguro. Ewan sayo. Lucky number:12345678941011, kung anong gusto mo diyan, pili na.
The Horse
Petrang Kabayo
Magandang balita mga Kabayo, close na ang San Lazaro at hindi na talahib ang food ‘nyo, bubog na para mas bonggang bongga. Hindi ka na tatakbo, magiging tapang Kabayo ka na lang. Magiging expert ka na sa ngiti mong ngising kabayo. Sinisiguro ko, paeasy- easy ka this year pero next year, tatakbo ka ulit mula Appari hanggang Jolo. Chura mo. Kabayo ka at hindi ka magiging unicorn ever sa buong life mo. Isinusumpa ko. For a change, ipalipat mo ang iyong private part sa noo, mura lang sa akin ka pagawa ha? 75 % discount. Kunin mo address ko sa Chinatown?
The Goat
Meeeh.Meeh.Kambingan
Sa mga ipinanganak na mga kambing, yayaman ka. Sinong piniperahan mo? Sino sugar daddy mo? Sinong bakla ‘yan? Sige gamitin mo ang katawan mo para magkakwarta ka ng limpak-limpak. Sa mga unang tatlong buwan, palpak ang mga desisyon mo, kwidaw huwag mawalan ng pag-asa, magpapogi at magpaganda para manghuthot ng pera. Pera, pera. Mukha kang pera ngayong 2010. Amoy pera ka, kainin mo pera mo. Hoy, fake ‘yan. Mas maswerte ka kung si Madam Auring ang magiging syota mo. O kaya si Mommy D at si Bertang Bakla. Para sa mga girls, alam na, ilang taon na nga si Gov? Si Senator? Mga ganung tipo ha mga ineng, aba lalaspagin mo rin lang ang sarili mo don na sa amoy pera, paliguan mo na lang, huwag ng choosy.Mga haliparot. Lucky charm: 500 years old na banga/tapayan, yong super big. Gawing kuwintas for 400 days.Oopsss, huwag tanggalin.
The Monkey
Unggoy Ka.
Oo, alam kong baliw ka talaga. Walang kalaro, kapag hindi isinali, daig mo pa si Anita Linda at Dindo Fernando sa kakaemote. Mawawalan ka ng mga kaibigan. Pano naman tayo ‘nyan? Wala ka naman talagang kaibigan sa buong buhay mo. Akala mo lang meron pero wala, wala, wala. Chura mo. Kung magnenegosyo, siguraduhing may pera, puro ka balak. Unggoyin mo sarili mo ulol. Sa mga supot, magpatuli ng limang beses, aba katanda mo na, supot ka pa rin. Sa mga unggoy na peborit ang monkey-business, ituloy lamang. Para sa mga babae, mukhang unggoy ang perfect husband. Sagutin mo na. Lucky Charm: Siling labuyo, hindi na uso ang banana..tikman mo ang aking banana..aking banana ay sili pala.
The Rooster
Ang Sasabungin
Anong binabasa mo? May hinihintay ka? Umaasa ka? Tigilan mo yan. Wala kang kapalaran ngayong 2010. Next year naman ha? Maghabol ka sa barangay tanod..Wala nga eh.
The Dog
ASKAL (ASO)
Ngiting aso naman diyan. Kung nais magrebelde sa amo, idaan sa text, ibroadcast mo thru sms, 24 oras ang sending, siguro naman, mararamdaman na ng iyong bossing ang pagrerebelde mo.Maging malikhain, nakakasawa ang dog-style na pagsisigaw sa kalye. Lucky charm: 200 years old na puno ng akasya, itanim sa loob ng kwarto mo.Diligan 24 hours din.Hwak na complain. Gawa na pala swelte.
Ang Baboy
Baboy ka pa rin hanggang ngayon? Anong petsa na? Subukang makipagpalit ng animal sign, try mo muna yong mga ipinanganak sa taon ng mga kambing. Mga uto-uto ‘yon. Lucky Charm: Damtrak, gawin ding kuwintas, huwag na huwag tatanggalin for life. ‘Yan na din ang mitsa ng buhay mo. Lucky charm: 24 million dodo ng langgam.
Pinunong Kawal: Dyosa Esmina, naibigan po ba ninyo ang kaniyang prediction?
Dyosa Esmina: Kasagad, ka sagad sagad guid kay j.kulisap. Ipalayu nyo ina sa akon. Pulbusin yan
J.Kulisap: Esmina, di um thang togwa shung bokenshaw! Hwak tabi ako pilit hula eh.
Dyosa Esmina: Ayaw na ayaw kong mababalitaan na may J.Kulisap pa sa kaharian ko, kahit kauri pa niya. Gawing pataba yan sa mga halaman ko. Wait….hwag na lang..wala siyang sustansya…baka mamatay pa ang mga alaga ko. Tawagin ang isa sa mga dyuwa, paligayahin ako. WI FI ready na ba itong kaharian? Magsearch na lang kayo ng horoscope sa internet.Year of the Tiger ngayon mga kawal. Magpatay ng mga tigre, gusto kong kumain ng kinilaw na tigre. Pwede bang isama ang bolsie ng tigre dong?Sup nambir tin.
J.Kulisap: Wala ka pulos nga tawo, vuker..irkkk…aghhhh.ikkkkk.
J.Kulisap: Nagdadalawang isip kung lalapit sa ama para magtanong. Sumilip ng bahagya sa dahon ng pinto. ‘Tay,ppp-pw-pwede p-po po bang magtan…?!?” Kaba, kaba…urong itlog.
Tatay: Hindi pa man tapos. Umiling kaagad ang tatay ni J.Kulisap. “Mali, sundin mo kami ng nanay mo.”
Nanay: “Kung ayaw mo na, maari ka ng umalis at kalimutan mong may pamilya ka pa. Ilang taon ka na ‘nga? Sengkwenta y dos ka na Kulikuli. Sana hindi ka na lang lumaki, damulag ka, kung hindi kasalanan sa Panginoon, sana..sana..’di kita iniluwal.”
Tatay: “Tingnan mo kami ng nanay mo, ang mga kapatid mo, tingnan mo sila. Gawin mo kaming halimbawa. Huwag kang gagawa ng sarili mong diskarte. Mali ‘yon.”
J.Kulisap: Walang masabi, namimilipit, malapit ng magkarera ang mga luha. Punas ng sipon, singhot. “Pero ‘tay, ‘nay….gusto ko lamang namang…mahalin ko kayo. At…at magpatuli na…po.”
Tatay at Nanay: Nanlaki ang mga mata bago magsalita. Mali ka JKul, kahit kailan wala kang ginawang tama.
Tatay: “Mali ka J.Kulisap.” Halos tumalsik na ang ulo sa kakailing ng tatay.
Nanay: “Tama ang tatay mo, mali ka J.Kulisap.”
J.Kulisap: “Tanggap ko na po, mali po ako…maling mali po ako…dahil kayo po ang mga MAGULANG KO.” (more…)
Kilalanin si J.Kulisap. Noon, ngayon at bukas. 1. Noong siya ay nasa unang baytang sa mababang paaralan, natuto siyang magbasa noong mga huling araw na ng pasukan, bumawi noong nasa ikalawang baytang subalit siya ay nasampal ng libro sa mukha ng kaniyang minamahal na guro dahil: a) hindi siya makasagot sa sipnayan, sadyang mapurol ang kaniyang utak. b) umepal sa pagbabasa, mas malakas ang boses kaysa sa nagbabasang kamag-aral sa unahan ng klase. k) maraming mali sa pagsusulit. d) lahat ng nabanggit. (more…)
Panuto: Bilugan ang titik ng tamang sagot. Kung hindi kayang bilugan, bagsak sa pagsusulit.
Ang larawang nasa itaas ay isa lamang sa maliit na isla sa Marinduque. Malapit ito sa pantalan ng Balanacan.
Iginugol ko ang kalahati ng aking buhay sa isla ng Marinduque. Dito ako humabi ng mga pangarap pero itinulak pa ring makipagsapalaraan sa kalakhang Maynila.Kung susuriing maigi sa mapa ng Pilipinas, inilalarawang hugis puso ang islang ito. Ito daw diumano ang puso ng ating bansang Pilipinas.
Ipapasyal ko kayo sa aking lalawigan. Ang Marinduque. Tara, galugarin natin ang Marinduque.
Mamili ka, barko, dyip o kalabaw? Lahat ‘yan, sinasakyan. Nakakasakay ka na ba sa kalabaw? Sa dyip na namumulaklak sa mga tao. Bihira ang byahe kaya ganyan.
Ang malawak na palayan na pangunahing pinagkukunan ng ikinabubuhay ng mga tao sa amin. Ang lusong at halo ay ginagamit pa rin ng ilan para mabayo ang palay, nilupak at iba pa. Ang tapayan o banga na mas matanda pa sa akin. Malamig ang tubig diyan.
Ang kuweba na pinagkukunan ng inuming tubig ng mga kababaryo ko. Ang aming tree house at ang mahigit sa 400 years old na simbahan sa Sta. Cruz, isa sa bayan ng Marinduque.
Dati rati’y nais mong lumayo para makamtan ang halina ng iba pero magbabalik upang hanaping muli ang yakap ng bayang sumisinta. -J.Kulisap-
Ang mga larawan ay kuha ng inyong lingkod.
Maraming beses na tayong nag-usap. Nagpalitan tayo ng mga ideya, ng mga kaalaman at karanasang makakatulong sa atin upang mapayabong pang higit ang ating pagkatao. Halos isang taon na nang sibihin mo sa akin na ilathala ang iyong karanasan sa pag-ibig at pakikipagrelasyon. Ipinangako ko ‘yon, marapat lamang na tuparin ang kahilingan. Labingdalawa ang buwan sa isang taon, bakit ngayong Disyembre ko pa naisipang ilathala ang iyong kwento gayong nagdulot ito sa iyo ng pagkaligalig at pagbabago sa matiwasay mong pamumuhay bilang prinsesa ng iyong mga magulang. Marahil ito ang diwa ng Pasko, pagtanggap, pagpapatawad at pagmamahal. Sa piling ng iyong mga magulang, alam kong maligaya ka pero pinili mo pa ring makisabay sa hinihingi ng lipunan.Kailangan mo ng isang asawa at anak para mabuo ang iyong pagkatao bilang isang babae.
Nasaksihan ko kung paano ka natutong umawit, kung paano ka natutong sumayaw at kung paano ka umakyat sa buwan kasama ang taong naghatid sayo sa kaluwalhatian. Naramdaman ko na ikaw ay tunay na umibig kahit na mabilis pa sa bulalakaw ang mga pangyayari. Dinala mo ng siyam na buwan sa iyong sinapupunan ang bunga ng inyong pag-ibig. Sa idinulot na kaluwalhatian ng pag-iisa at paghahanap ng ilang taon, hindi ko inaasahang mauuwi ito sa hindi pagkakaintindihan hanggang sa bumitiw ka at piliing iluwal ang sanggol na hindi siya kasama.
Sa mga mata mo ay nabasa ko ang kalungkutan at kagustuhang itago ang sakit na nararamdaman ng isang taong labis na umibig at nangarap na may isang prinsipeng handang mag-alay ng wagas na pag-ibig. Mahilig kang magbasa ng mga nobelang umiikot sa mga romantikong pangyayari at pantasya ngunit tila yata nakalimutan mo ang reyalidad. Sinuong mo itong gabay ang mga kwento sa nobela, at inangkin ang isa sa mga karakter na gumaganap- prinsesang naghahanap ng busilak na puso ng isang prinsipe.
Sabi ko sayo dati, hindi ko magawang matapos ang kwento mo, ang katwiran ko, dahil may kung anong salik akong hinahanap. Marahil inaasam ko ring matagpuan mo ang tunay na kaligayahan at kapayapaan sa iyong sarili at magkaroon ka ng sariling “pamilya” na sandigan at pinaghuhugutan ng mga paliwanag kung bakit ka binigyan ng buhay dito sa mundong ito. Hindi ka nag-iisa, siya, sila ay kapareho mo din, may sariling pangarap na binubuo subalit mahirap idikta sa tadhana ang nais mo lamang. May mga dahilan ang lahat at sa bawat pag-usad mo, alam mong iniaalay mo ang iyong sarili sa iyong anghel lalo’t higit ang kahalagahan mo bilang isang tao.
Naiintindihan kita sa maraming pagkakataon subalit hindi ko pa rin lubusang mauunawaan ang pangangailangan mo pero hayaan mong tadhana na ang gumawa ng paraan para mabuong muli ang nais mong nobela.
Sinabi mo, kaya mo na siyang tingnan sa kaniyang mga mata ng wala ka ng pait na nadarama. Tama ring nagkusa siyang dalawin ang inyong anghel ngayong buwan ng Pasko. Pakatandaan mong ang pag-ibig ay hindi dapat hinihingi bagkus ikinukusa. Sa ngayon sapat na ang nakikita kong katatagan sayo para harapin mo ang mga darating na pagsubok sa iyong buhay bilang babae at ina.
“Minsan kinakailangan nating kalimutan ang ating mga sariling kagustuhan para mas mahanap natin ang ating sarili sa buhay ng iba.”-J.Kulisap
Ang lahat ay nagsisimula sa kawalan. Anumang damdamin nag-uumpisa parang pahinang walang laman. Puti, simbolo ng pagkadalisay. Malinis, ibig sabihin walang bahid ng duda, lungkot, ni pagkabahala. Blanko, pero nilikha ng Panginoon ang mga titik para punan ang kawalan na ito. At sa pamamagitan ng mga titik maaari ipahayag ang damdamin na kanlong ng puso. “titik ng pasko”, tama ba nabasa mo? Oo, hindi “itik ng pasko”, manok kasi handa namin, matigas kasi karne ng itik. mas mainam sa puso ang karne ng manok, lalo na pag ganitong kapanahunan kung saan ang mga puso ay nagdidiwang, mahirap na atakihin. Malikot ang mga titik sa sanaysay na ito, gaya ng mga damdamin na hindi mapakali at sabik, hindi layunin ng may akda na lituhin ang iyong diwa pero nais lang iparating sa giliw na mambabasa na walang iisang kahulugan ang mga titik. Puso ang maglalagay ng kahulugan sa mga salita, kaya anuman ang binabasa mo ngayon eh ikaw ang magbibigay ng kahulugan nito. Tuliro ka na ba? Ako din. Ibig sabihin may puwang ang pagkakaintindihan. At mas nalito ka? Ako din. Ibig sabihin nagkabuhol-buhol na yung usapan, anak ng katipay. Balik tayo sa una, sa bakante’ng espasyo, sa blanko’ng papel. Simple, hindi kumplikado. Mas masaya. hindi ba? Mas masaya, mas bongga. Ganun ang pasko, gaano man kadami ang mga palamuti at paghahanda, mga ilaw at kulay, awit at kanta, pagkain at alak, pagmamahal at tuwa, simple lang ang mensahe ng pasko, ipagdiwang ang buhay. Sino may angal?
Puso ang maglalagay ng kahulugan sa mga salita, kapag ang mga titik ay inunawa ng isip at ipinasa sa puso, lumalabas ang nais iparating na mensahe. Si Yin na nagpiprito ng pretzels ang bumulaga sa huling araw ng aking patimpalak. Kung naliligaw kayo sa kuta ni Yin, mapaghahambing ninyo ang kaibahan ng kaniyang mga gawa kaysa sa kaniyang ipinasang akda dito sa aking mundo. Dahil si Yin ang nanalo, sa panaginip mo lamang ako makikita Yin, mag-abang ka dahil ako ay darating. Puro ang wikang Pilipinong kaniyang ginamit.
Ikinagalak ko ng labis ang mga sanaysay na inyong inilahok kusa man o nahikayat ko para makisali sa aking patimpalak. Hindi na magiging blangko o puti ang espasyong ito dito sa aking bahay-kubo lalo’t higit dito sa aking puso at isip. Kayumanggi ang aking damdamin, itinalaga ko ang aking sarili na magsulat para sa ibang naghahanap ng kasagutan sa mga nalilito nilang pakiramdam bilang Pilipino. Hindi makagagaling ang aking mga salita dahil walang himala dito subalit may mga uhaw na kaluluwa ang nangangailangan ng pagkalinga sa pamamagitan ng aking mga akda. Karamihan sa aking mga isinusulat ay pawang hango sa totoong nangyayari sa aking kapaligiran na nagsisilbing gamot sa napapagod kong kaluluwa. Naglalakbay ang aking isip sa walang hanggang pagtatanong dito sa mundong ito. Katulad mo, natagpuan mo ang blogosperyo para ikaw ay malibang, makapagbigay ng iba’t ibang impormasyon sa mga naliligaw. Mas mainam magpahayag ng nasa isip kung walang mukha ang isang manunulat dahil tanging puso lamang ng mambabasa ang maaring magbigay kahulagan sa iginuhit ng utak sa pamamagitan ng mga titik.
Iba’t iba ang pakahulugan natin sa Pasko. Mayroong hindi nagdiriwang nito, mayroong panatang ipagdiwang ang Pasko dahil ikaw at ako ay may sariling buhay na dapat pahalagahan. Kapag narating mo ang buwan ng Desyembre sa buong taon, alam mong pinahalagahan mo ang iyong buhay dahil kapag nangyaring naging blangko ka na- ikaw ay isa na lamang alaala ng mundong ito.
Sa mga nagsipag-ambag ng kanilang akda, kahit hindi ko na ipagsigawan ang inyong katalinuhan, marami na ang nakaalam bago pa ako, subalit inuulit ko ang aking pasasalamat. Ang inyong kaalaman ay isang magandang aginaldong ipinagkakaloob sa mga uhaw na katulad ko.
Tinalunton ko ang daan pabalik ng bahay. Sadyang tahimik sina Inay at Itay nang magbalik ako.Nagtatanong ang kanilang mga mata pero walang namumutawing mga salita mula sa kanila. (more…)
"HUWAG MO NANG SABIHIN, IYO NA LAMANG GAWIN" -J.Kulisap-
--------------------------------------------------
Ako ay isang kyut noong ipinanganak ngunit may trahedyang nangyari, nasubsob ako sa ebs ng kalabaw,mula noon ako ay naging kulisap.
Tao daw ako sabi ni Inay,trabahador sabi ni bos,tagapagmahal sabi ni..hmmm..kapatid sabi ni ate at kuya, kaibigan sabi ni Paquita at ang tropa.Sa buhay natin kanya kanya tayo ng misyon,maswerte ang kulisap na liligaya din kahit sa salita lamang.Minsan ang salita'y nakalulunas ng napaparam na damdamin.Kaya ko kayang gamutin ang iyong karamdaman?
Ngayon ako ay magiging J.Kulisap na maghahatid ng samo't saring saya sa mundo.
Mapag-uusapan ang mga salitang inuulit ulit lamang,may paraan sa mga pagkamangha,ito ay ang magsaliksik,magtanong at magbasa. Ang buhay ng tao ay nakalatag sa mga salita.Pag-usapan natin sa espasyong ito.Pinoy nga ba ikaw Pilipino?
huh iam not cool i am going to tell the truth you are really not prett your ugly
hhahah tnx i don’t think you rcool not really nosebleed huh??
who the girl named kathleen she is pretty nice huh ahhahaahhah your cute me iam only cool hahahahha
that my siste ryear ,year of the tiger nice huh??>>>
i am a filipino i am just from america argentin a add me on facebook hahahahhakathlynkikumoreto23@yahoo.com
^_^ 
) :0)
paki visit tohttp://tl.answers.com/Q/Kwento_ni_amomongo_at_ni_iput_ipot_na_pabula_ng_visaya ohhh ganda
mga kablog kablog hhahah chatting meganon hahahahahh hi kua g. kulisap aq si paroparo /butterfly hehehe nice dito visit lng me ulit here ehhh….
hahahaahhahahahaahahamarami bago ngayon ahhh nice tung world natin lahat nuh???!!!:))
grabe lupet ang lupet galing nyo proud ngek…….:)) joke….
anong kaguluhan hgehehehehhehehhehe lupet na ha heheheheheheh nice na rin to
kumusta po…baguhan lamang po ako dito…pwede po bang pakilibot mo po ako dito sa mundo po ninyong mahiwaga? SALAMAT PO!!! <3
nice blog. exchange link po tau. www.textmate.tk
…ngayon lang ulit ako napadpad sa mundo mo matapos ang mahaba-habang panahon…
panandalian akong nakatakas sa komplikado kong mundo habang nandito ako sa iyong mundo…
dumalaw po
dumalaw po ako
ako po ay baguhang blogger…nagustuhan ko po ang mga akda mo…kaibigan po ako n orville barba…nais ko po sanang mapabilang sa inyong kadena…naisama ko n po itong site s aking links…hinihiling ko pong makakita ng mga komento ninyo s aking mga akda…maraming maraming salamat po!
kuya j. kul, ano po ang ibig sabihin ng mga salitang ito: nananagano, tikis, nalikmo, nasulo? pakimesej na lang po sa sayt ko. ty! nosebleed na nosebleed na ako…
Para sa mga ipinoposte itong aking bahay-kubo, ipaalam nyo baka nagtatampo na kayo di ko pa alam.
Salamat
This is an automatically generated Delivery Status Notification. Delivery to the following recipients failed. (Email: kulizzap at yahoo dot com dot ph) Noong isang araw pa yan ganyan. Ikaw na lang kaya mag-email? salbehe at hotmail dot com
